Главная » 2019 » Сентябрь » 2 » Саҥа үөрэх дьылын көрсө оскуолабыт араас сылларга бүтэрбиттэр күүстэринэн саҥа сквер тутулунна
10:44
Саҥа үөрэх дьылын көрсө оскуолабыт араас сылларга бүтэрбиттэр күүстэринэн саҥа сквер тутулунна

Бала5ан ыйын 1 кунугэр Николай Ларионов дириэктэрдээх оскуола саҥа скверин арыллыыта умнуллубат өйдөбүлү хаалларда. Ол курдук аан бастаан сквер бырайыагын Татьяна Романовна Алексеева салайааччылаах 11 „в“  кылаас үөрэнээччилэрэ оҥороннор, бэртээхэй сонун этиини киллэрбиттэрэ. Маны сайыннаран оскуоланы 1998 сыллаахха 98 буолан бүтэрбиттэр 20 сылларын бэлиэтиир үөрүүлээх тэрээһиннэригэр мустаннар,  оскуола 150 сыллаах үбүлүөйүгэр уонна Саха сирин VII спортивнай оонньууларыгар ыалдьыттары көрсө оскуолабыт үчүгэй көстүүлээх буоллун диэн бэлэх быһыытынан оҥорорго сүбэлэспиттэрэ. Салайааччынан талыллыбыт Владислав Федоров этиитин ылынан Степан Гаврильев уонна Александр Тарабукин сквер бырайыагын, салгыы 3Д бырайыагын буор босхо оҥорон биэрбиттэрэ. Ол кэнниттэн кылаастар актыыптара тутуу үбүн – харчытын быһаартаран, аны оскуоланы араас сылларга бүтэрбиттэри кытта үлэлэһэн, сөптөөх суумманы мунньан, үөрэммит оскуолаларыгар туттарбыттара. Үөрүөх иһин, маны араас көлүөнэ үөрэнээччилэрэ өйөөн, 1 мөлүйүөн 300 тыһыынча солкуобай хомуллан сквер тутуллар буолбута. Кылгас болдьох кэм иһигэр «Амма суол» ХЭТ дириэктэрэ Константин Слепцов, чааһынай тэрилтэлээх урбаанньыттар Николай Алексеев кумаҕын, буорун таһаннар, Иван Окороков тротуарын, плиткатын биэрэн, Евгений Захаровыскамыайкаларын, бөх тоҕор иһиттэрин, Юрий Килбясов банаар остуолбаларын, күрүөтүн – хаһаатын тутан биэрэн, Дьокуускай куораттан Иван Сахаров плитка тэлгэтиитигэр, палисаднигы оҥорууга үлэлээбиттэрэ.

Просмотров: 73 | Добавил: amgasch12017 | Рейтинг: 0.0/0
Всего комментариев: 0
avatar