07.09.2020 Иккис төгүлүн ыытыллар көһө сылдьар "Сентябрьское совещание" @amgasch1 (директор Ларионов Н.А.) бүгүн оскуолабытыгар буолан ааста. "Хамсык" ыарыы бириэмэтигэр хайдах үөрэх буоларын, БКЭ түмүктэрин, үөрэх бэрэбиэркэтэ буоларын, Амма улууһугар биир кэлим иитэр үлэҕэ сыһыаннаах программа оҥоһуллуохтааҕын, үөрэххэ туох кыһалҕа, ситиһии баарын уо.д.а. боппуруостары сиһилии кэпсээтилэр, ырыттылар Шишигин Ю.Е., Кузьмина М.Н..
Үөрүүлээх чааһыгар үлэҕэ бастыҥ көрдөрүүлээх учууталларбытыгар хайҕал-махтал тылларын этэн туран, диплом туттардылар. Саамай чаҕылхай түгэнинэн буолла:

• Захарова В.И. - "СӨ үөрэҕэриитин ситимин бочуоттаах бэтэрээнэ",
• Слепцова М.М., "СӨ үөрэҕэриитин тиһигин учууталларын учууталлара"- диэн анал ааттары туттарыы буолла

Түмүккэ, Амма улууһун баһылыкка кандидат Н.Архиповы өйүүр бөлөҕө кэлэн программаны кэпсээн,бары быыбарга кытталларын эттилэр. Саҥа үөрэх дьыла ситиһиилээх буоллун.