Математика учууталынан өр кэм оскуолаҕа үлэлээбит, биир идэлээхпит Сардана Михайловна Устинова "Эн ыллаа Амманы айхаллаан" диэн ырыанньык хомуурунньуга сүрэхтэннэ. Хомуурунньукка Амма диэн тыллаах эрэ,Амма кэрэ айылҕатын, сирин-уотун, дьонун хоһуйар 62 ырыа таһынан, бэйэтэ хаартыскаҕа түһэрбит айылҕабыт кэрэ көстүүлэрэ бааллар.
Стручкова Вераника Ивановна тэрээһини олус сэргэхтик ыытта , истиҥ, долгутуулаах буолла. Төрөөбүт дойдутуттан,Амма-Наахараттан аймах-билэ дьонун таһынан "Сиибиктэ"ырыаһыттара истиҥ тыллаах махтал суругу туттаран долгуттулар.
Эҕэрдэҕэ кыттыстылар оскуола коллективын,администрациятын аатыттан "Күөгэйээнэ" ансамбль, оҕо айымньытын дьиэтиттэн "Амма чэчирэ", дьүөгэлэрэ,аймах-билэ дьоно, тапталлаах эдьиийэ Акулина Михайловна уо.д.а элбэх эҕэрдэлэр. Ырыанньыгы ылан ыллаан ыараханы ыраатыннарын, ыраастанын, ыра санааҕытын толорун.