Главная » 2021 » Декабрь » 21 » Аммаҕа фольклорга оҕолор өрөспүүбүлүкэтээҕи күрэстэрэ түмүктэннэ
03:57
Аммаҕа фольклорга оҕолор өрөспүүбүлүкэтээҕи күрэстэрэ түмүктэннэ

О. П. Иванова-Сидоркевич аатынан Амматааҕы айар сайдыы киинэ уонна В.Г. Короленко аатынан Амма 1 N - дээх орто оскуолата «Айар түһүлгэ - 2021» диэн ааттаах фольклор көрүҥнэригэр бастакы өрөспүүбүлүкэтээҕи күрэһи тэрийэн ыыттылар.
Өрөспүүбүлүкэтээҕи тэрээһин көҕүлээччилэринэн «Амма чэчирэ» ырыа уонна үҥкүү ансаамбылын фольклор бөлөҕүн салайааччыта, Амма 1N-дээх орто оскуолатын педагога Татьяна Петрова уонна айар киин педагога Сахаяна Харитонова буолаллар. Күрэскэ Дьокуускайтан, Сунтартан, Намтан, Амматтан, Чурапчыттан, Тааттаттан, Хаҥаластан, Мэҥэ-Хаҥаластан, Бүлүүттэн, Ньурбаттан уһуйаан саастаах оҕолортон саҕалаан улахан кылаас үөрэнээччилэригэр тиийэ түөрт бөлөххө арахсаннар үс көрүҥҥэ кытыннылар. Барыта 35 нүөмэр киирбитин дьүүллүүр сүбэҕэ үлэлээбит улуус култуураҕа салалтатын фольклорга исписэлииһэ Василий Кочаткин, култуура коллеһын төрүт култуура салаатын уһуйааччыта Сардаана Харитонова, «Айыы кыһата» национальнай гимназия эбии үөрэхтээһин педагога Сахаайа Нохсорова сыаналаатылар. Көрүҥ аайы бастыҥ бөлөхтөр ааттанан наҕараадаларын туттулар.
Инструментальнай жанрга «Кылаан чыпчаал» кыайыылааҕынан «Чөмчүүнэ» (Сунтаар улууһа, Элгээйи) ааттанна. Оттон бастакы бөлөххө лауреатынан «ТүҺүлгэ» (Мэҥэ-Хаҥалас, Майа нэһилиэгин «Кэнчээри» оҕо уһуйаана), иккис бөлөххө лауреаттарынан «Айылгы» (Амма улууһа, Амма н.), «Дьиэрэй» (Дьокуускай к. «Айыы кыһата»), «Амма чэчирэ» (Амма улууһа, Амма н.), дипломаннарынан «Үрүйэчээн» (Сунтаар улууһа, Элгээйи н.), «Күөрэгэй» (Чурапчы улууһа,Мырыла н.), үһүс бөлөххө лауреаттарынан «Өрөгөй» (Сунтаар улууһа, Сунтар н.), «Айыллаан» (Мэҥэ Хаҥалас, Тиэлиги н.), «Дьүрүскэн» (Хаҥалас улууһа, Покровскай к.), дипломанынан «Дьэрэйкээн» (Нам улууһа, 2 Хомустаах н.) буоллулар.
Норуот ырыатыгар «Кылаан чыпчаал» ааты Амма нэһилиэгиттэн «Айылгы» бөлөх ылла. Кыра саастаахтарга «Күөрэгэй» (Амма улууҺа,Амма н. «Хатыҥчаана» оҕо уһуйаана), «Кустук» (Амма улууһа, Амма н. «Кэнчээри» оҕо уһуйаана), «Көлүкэчээн» (Амма улууһа, Мээндиги н.) лауреаттарынан, иккис бөлөххө «Көмүс дорҕоон» (Сунтаар улууһа, Сунтаар н.), «Үрүйэчээн» (Амма улууһа, Амма Наахара н.), «Кэрэчээнэ» (Амма улууһа, Амма н.) лауреаттарынан, «Күөрэгэй» (Чурапчы улууһа, Мырыла н.), «Үнүгэсчээн» (Бүлүү улууһа, Кыадаҥда н.), «Дьиэрэй» (Хаҥалас улууҺа, Покровскай к.) дипломаннарынан, үһүс бөлөххө «Төрүт дорҕоон» (Сунтаар улууҺа, Сунтаар н.), «Күөрэгэй» (Чурапчы улууһа, Мырыла н.), «Дьиэрэйкээн» (Нам улууһа, 2 Хомустаах) лауреаттарынан ааттаннылар.
 Кэпсэтии жанрыгар «Кылаан чыпчаал» ааты Амма нэһилиэгиттэн «Чобуо кыргыттар» ыллылар. «Сир симэхтэрэ» (Мэҥэ-Хаҥалас улууһа, Майа н. «Кэнчээри» оҕо уһуйаана), «Хатыҥчаана» (Амма улууһа, Амма н. «Хатыҥчаана» оҕо уһуйаана), «Дьэрэкээн оҕолор» (Мэҥэ Хаҥалас, Майа н. «Кэнчээри» оҕо уһуйаана) лауреат, иккис бөлөххө «Үрүйэчээн» (Амма улууһа, Амма Наахара н.), «Саһарҕа» (Ньурба улууһа, Антоновка нэһ.), «Бэргэн» (Амма улууһа, Амма н.) лауреат, «Дохсун» (Таатта улууһа, Чычымах н.), «Алаас үнүгэсчээннэрэ» (Таатта улууһа, Чычымах н.) дипломант, үһүс бөлөххө «Татыйык» (Таатта улууһа, Чычымах н.), улахан саастаахтарга «Дохсун» (Таатта улууһа, Чычымах н.) лауреат буолары ситистилэр
 Кыттааччылары айар сайдар кииммит «ютуб» ханаалыгар киирэн көрүөххэ сөп. Ситиһии тиксэн кыттааччылар үөрүүлэрэ үксээтэ, грамоталары уонна харчынан бириэмийэлэри туттулар. Тэрийээччилэр, дьүүллүүр сүбэ, кыттааччылар да тэрээһини олус астынныбыт. Ситими быспакка куруук билсэ, уопуту атастаһа сылдьарга этиилэр киирдилэр. Онон күрэс тохтообокко сыл аайы
ыытылла туруоҕа», - диэн этэр тэрийээччи Сахаяна Харитонова.

 

Просмотров: 30 | Добавил: amgasch12017 | Рейтинг: 0.0/0
Всего комментариев: 0
avatar