Главная » 2019 » Январь » 31 » АММА 1 №-ДЭЭХ ОСКУОЛАТА ӨРӨСПҮҮБҮЛҮКЭТЭЭҔИ МЕТОТУРНИРГА КЫТТАР БУОЛЛА
04:42
АММА 1 №-ДЭЭХ ОСКУОЛАТА ӨРӨСПҮҮБҮЛҮКЭТЭЭҔИ МЕТОТУРНИРГА КЫТТАР БУОЛЛА

В.Г.Короленко аатынан Амма 1 №-дээх орто оскуолатыгар улуустааҕы үөрэх салаатын  тэрийиитинэн үһүс төгүлүн  оскуолалар хамаандаларын икки ардыларыгар сэттэ көрүҥҥэ метотурнир ыытылынна. Модераторынан Эмма Давыдова, эксперт Клара Кириллина үлэлээтилэр.

Амма улууһугар икки күннээх учууталлар түмсүүлэрин үөрэх салаатын начаалынньыга Ю.Е.Шишигин эҕэрдэ тылынан арыйда.  Олохтоох оскуола хаһаайыттара «Дуолан уолан»  үөрэнээччилэрэ уонна эдэр учууталлара ырыанан бэйэлэрин эҕэрдэлэрин  тириэртилэр.

Амма 1 №-дээх, Абаҕа, Амма-Наахара, Болугур, Майскай, Соморсун,  Мээндиги, Сулҕаччы, Чапчылҕан оскуолаларын учууталларын хамаандалара презентациянан бэйэни билиһиннэриигэ, уруок ыытыытыгар, ырытыыга, оҕону үөрэтии, иитии боппуруостарыгар санааны этиигэ, саҥаны киллэриигэ маастар кылаастары көрдөрүүгэ, үөрэх бырайыактарыгар, интернет ресурсаны туһаныыга бэйэлэрин билиилэрин-көрүүлэрин, үөрүйэхтэрин уонна сатабылларын көрдөрдүлэр.

Бастакы миэстэни Амма 1 №-дээх, иккиһи Амма Наахара, үсүһү Чакыр оскуолалара ыланнар, кыайыылааҕынан таҕыстылар. Кыайбыт оскуола бу сылга ыытыллыахтаах өрөспүүбүлүкэтээҕи метотурнирга кыттар быраабы ылла.

Просмотров: 65 | Добавил: amgasch12017 | Рейтинг: 0.0/0
Всего комментариев: 0
avatar